🍼 8-10 თვე — გარდამავალი ეტაპი

✅ როგორ გავაგრძელოთ დამატებითი კვება?

• თუ ბავშვმა უკვე გასინჯა სხვადასხვა პიურე 4–7 თვის ასაკში, 8 თვიდან ოდნავ სქელი ტექსტურის საკვები შესთავაზეთ.
• დაბლენდერებული პიურეების ნაცვლად, შესთავაზეთ რბილად დაჭყლეტილი საკვები, რომელიც ადვილად იჭყლიტება.
• უკვე დაგემოვნებული პიურეების კომბინაციები შესთავაზეთ

👶თანდათანობით გაზარდეთ ულუფა:

• 8 თვიდან 2–3-ჯერ დღეში 3–4 სუფრის კოვზი საკვები + დედის რძე ან ფორმულა
• 9–10 თვიდან 3 ძირითადი კვება და სურვილისამებრ 1 მცირე ულუფა (სნექი), თითო კვებაზე 5–6 სუფრის კოვზი+ დედის რძე ან ფორმულა

✅ თუ დამატებით კვებას 8 თვიდან იწყებთ:

• დაიწყეთ მარტივი რეცეპტებით, რომლებიც განკუთვნილია 6–8 თვის ჩვილებისთვის.
• გააცანით თითოეული პროდუქტი ცალ-ცალკე, ადაპტაციისა და უსაფრთხოების მიზნით.
• მიანიჭეთ უპირატესობა რბილ და მარტივად მოსანელებელ ტექსტურებს.
• 8 თვიდან უკვე შესაძლებელია კომბინირებული პიურეების შეთავაზება — ოღონდ იმ ინგრედიენტებით, რომლებიც ინდივიდუალურად უკვე გასინჯული აქვს ბავშვს და არ ჰქონია უარყოფითი რეაქცია.

🤔 ჩვილი მზად არის უფრო ტექსტურიანი საკვებისთვის?

• ხელით იღებს საჭმელს და პირთან მიაქვს
• ზის დამოუკიდებლად ან მცირე მხარდაჭერით
• აღარ აგდებს საკვებს ენით და ყლაპავს
• ინტერესდება ოჯახის საკვებით

📌 თუ ეს ნიშნები შეინიშნება, შეგიძლიათ ეტაპობრივად გადახვიდეთ უფრო ტექსტურიან საკვებზე!

🍽️ მთავარი რეკომენდაციები:

• დაიწყეთ რბილი  საკვებით, რაც ბავშვს ახალი გემოების  შეჩვევაში დაეხმარება.
• შემოიტანეთ რბილად მოხარშული ბოსტნეული 
• განაგრძეთ თითოეული ინგრედიენტის ცალ-ცალკე გაცნობა 1-2 დღის შუალედით.
• ყურადღებით დააკვირდით ალერგიულ რეაქციებს — განსაკუთრებით თევზზე, კვერცხზე, პარკოსნებსა და რძის პროდუქტებზე.
• პატივი ეცით ბავშვის მინიშნებებს — თუ არ სურს ჭამა, ნუ დააძალებთ. სცადეთ ხელახლა რამდენიმე დღის შემდეგ.
• დედის რძე ან ფორმულა კვლავ რჩება ძირითადი საკვების წყაროდ, თუმცა მისი რაოდენობა შესაძლოა ეტაპობრივად შემცირდეს.
• ამ ასაკში ჩვილი უკვე შეიძლება სვამდეს 120–180 მლ წყალს დღეში, მცირე ულუფებად, ჭიქიდან დალევის წახალისებით.

🥕 რეკომენდებული პროდუქტები:

ბოსტნეული: სტაფილო, ბატატი, გოგრა, ბროკოლი, ყაბაყი, კარტოფილი, ჭარხალი და სხვ.
ხილი: ვაშლი, მსხალი, ატამი, ბანანი, გარგარი, მანგო, მარწყვი(შესაძლოა ალერგიული რეაქცია მარწყვზე)
მარცვლეული: შვრია, ბრინჯი, ფეტვი, წიწიბურა, კინოა
ცილები: კვერცხი, ქათამი, ინდაური, თევზი, ოსპი
ცხიმები: ავოკადო, ზეითუნის ზეთი, კარაქი
რძის პროდუქტები(პასტერიზებული, უშაქრო): უმარილო ხაჭო, სულგუნი, მაწონი ან იოგურტი

👶 BLW მეთოდი:

• რბილი, დასრესილი საკვები
  📌 მეტი დეტალისთვის იხილე ცალკე ბლოგი BLW მეთოდზე

💛 Bon appétit, petit gourmet! 😋