🥕 სტაფილოს პიურე – ორთქლზე მოხარშვით

ულუფა: 1 ჩაის კოვზი (პირველი გასინჯვისთვის)
მომზადების დრო: 15–20 წუთი
ასაკი: 4–6 თვე (გაიარეთ პედიატრთან კონსულტაცია)

🥕 ინგრედიენტები

• 1 პატარა ზომის სტაფილო
• 3 სუფრის კოვზი დედის რძე ან ფორმულა (გასათხელებლად)

👩‍🍳 მომზადების პროცესი

1️⃣ სტაფილოს მომზადება – კარგად გარეცხეთ, გათალეთ და შეეცადეთ შუაგული ამოცალოთ. შემდეგ დაჭერით პატარა ნაჭრებად.
2️⃣ ორთქლზე მოხარშვა – მოათავსეთ სტაფილოს ნაჭრები ორთქლის ქვაბში ან საცერზე მდუღარე წყლის ზემოთ, დაახურეთ თავსახური და ხარშეთ 12–15 წუთი, სანამ კარგად არ დარბილდება.
3️⃣ პიურეს მომზადება – მოხარშული სტაფილო გადაიტანეთ ბლენდერში ან გამოიყენეთ ხელის ბლენდერი, სანამ ერთგვაროვან, კრემისებრ მასას არ მიიღებთ.
4️⃣ გათხელება – პიურე გააზავეთ დედის რძით ან ფორმულით,(მხოლოდ ის რაოდენობის პიურე, რამდენსაც ბავშვს იმ მომენტში შესთავაზებთ.)  სანამ რძისებრ თხელი კონსისტენცია არ ექნება. მიაწოდეთ ბავშვს ოთახის ტემპერატურაზე.

❄ შენახვის მეთოდები

✅ გაყინვა და გალღობა –არ გაყინოთ რძით გაზავებული პიურე. მოათავსეთ სტაფილოს პიურე ყინულის ფორმებში, დააფარეთ ჰერმეტული თავსახური და შეინახეთ საყინულეში. გამოყენებამდე გაალღეთ მაცივარში რამდენიმე საათით ადრე ან ღამით. შემდეგ მსუბუქად შეათბეთ ორთქლზე.
✅ მაცივარში შენახვა – შეინახეთ ჰერმეტულად დახურულ კონტეინერში  48 საათის განმავლობაში.
⚠️ არ გამოიყენოთ მიკროტალღური ღუმელი და არ გაათბოთ რამდენჯერმე, რათა არ დაიკარგოს საკვების ხარისხი.

🧑‍⚕ ნუტრიციული სარგებელი

🥕 სტაფილო მდიდარია ბეტა-კაროტინით, რომელიც ბავშვის ორგანიზმში A ვიტამინად გარდაიქმნება. იგი ხელს უწყობს მხედველობის განვითარებას, კანისა და იმუნური სისტემის გაძლიერებას.
🍼 დედის რძე ან ფორმულა ამდიდრებს პიურეს ცხიმებითა და საკვები ნივთიერებებით, რაც ხელს უწყობს საჭმლის მონელებას და A ვიტამინის უკეთ შეწოვას.

⚠️ შესაძლო ალერგიულობა

🥕სტაფილო დაბალი ალერგენული პროფილით გამოირჩევა, თუმცა ყოველი ახალი პროდუქტის გაცნობისას სასურველია დაკვირვება.
მიეცით მხოლოდ 1 ახალი ინგრედიენტი 1–2 დღის ინტერვალით, რათა საჭიროების შემთხვევაში მარტივად ამოიცნოთ ალერგიული რეაქცია (გამონაყარი, ფაღარათი, ქავილი).